धनगढी- कैलालीबाट लागू औषधसहित तीन जना पक्राउ परेका छन् ।जिल्लाको धनगढीबाट लागू औषधसहित डडेल्धुराका दुई युवकसहित तीन जना पक्राउ परेका प्रहरीले जनाएको छ । धनगढी उपमहानगरपालिका-२ त्रिनगर ब्यारेलबाट ६० मिलिग्राम लागू औषध (खैरो हेरोइन)सहित डडेल्धुराको आलिताल गाउँपालिका-१ बस्ने २२ वर्षीय विक्रम बोहरासहित दुई जनालाई बुधवार साँझ प्रहरीले पक्राउ गरेको हो। प्रहरी चौकी त्रिनगर,कैलालीबाट खटिएको प्रहरीले उक्त पदार्थसहित दुवै जनालाई पक्राउ गरेको हो।

यसै गरी धनगढी उपमहानगरपालिका-१ त्रिवेणी चोकबाट ५२ ग्राम लागू औषध (गाँजा) सहित सोही ठाउँ बस्ने ३५ वर्षीय विशाल श्रेष्ठलाई पनि बुधवार साँझ प्रहरीले पक्राउ गरेको छ। श्रेष्ठलाई अस्थाई प्रहरी पोष्ट शान्तिनगरबाट खटिएको प्रहरी टोलीले उनको कोठाबाट गाँजा फेला पारी पक्राउ गरेको जनाएको छ। पक्राउ परेका तिनै जनामाथि प्रहरीले थप अनुसन्धान गरिरहेको जनाएको छ ।