धनगढी । विश्व हिन्दू परिषद् नेपाल सुदूरपश्चिम प्रदेशको आयोजनामा तेस्रो रक्तदान कार्यक्रम सम्पन्न भएको छ। कार्यक्रममा ५० जनाले रक्तदान गरेका छन् ।
रक्तदान कार्यक्रमका संयोजक पुष्यण जोशी मह तथा परिषद्का अध्यक्ष प्रकाशचन्द्र यादव र राष्ट्रिय सचिव महेन्द्रराज पन्तको उपस्थितिमा कार्यक्रम सम्पन्न भएको हो ।
कार्यक्रममा १६ पुरुष र ३४ महिलाले रक्तदान गरेका थिए । आयोजकका अनुसार पहिलोपटक रक्तदान गर्ने पाँच दम्पतीसमेत कार्यक्रममा सहभागी भएका छन् ।
रक्तदान जीवन बचाउने महत्वपूर्ण सामाजिक कार्य भएकाले आगामी दिनमा पनि यस्ता मानवीय तथा सामाजिक सेवाका कार्यक्रमलाई निरन्तरता दिने सचिव पन्तले बताए ।
