धनगढी । कैलालीबाट प्रहरीले अवैध लागुऔषधसहित तीन जनालाई पक्राउ गरेको छ ।
शुक्रबार जिल्लाका विभिन्न स्थानबाट उनीहरूलाई प्रहरीले पक्राउ गरेको हो ।
जिल्लाको उपमहानगरपालिका-१५ कनरीबाट अवैध लागूऔषध खैरो हिरोइन जस्तो देखिने धुलो पदार्थ २ ग्राम ६८० मिलिग्राम सहित सोही उपमहानगरपालिका-७ बस्ने २९ वर्षीय सुनिल राना र ३२ वर्षीय प्रकाश रानालाई पक्राउ गरिएको प्रहरीले जनाएको छ ।
त्यसैगरी, धनगढी उपमहानगरपालिका-४ बसपार्कबाट अवैध लागूऔषध ब्राउनसुगर जस्तो देखिने धुलो पदार्थ १ ग्राम ६४० मिलिग्रामसहित अछामको साँफेबगर नगरपालिका-७ बस्ने २० वर्षीय अभिजन भाटलाई पक्राउ गरेको प्रहरीले जनाएको छ ।
