धनगढी- प्रभात मिडिया एण्ड इभेन्ट प्रा.लि.ले आयोजना गरिरहेको प्रदेश युवा परिषद् एसईई आइडलको तेस्रो संस्करणको सेमिफाईनलको सम्पूर्ण तयारी पुरा भएको छ ।
बिहीबार आयोजक प्रभात मिडिया एण्ड इभेन्ट प्रा.लि.ले प्रेस बिज्ञप्ती जारी गर्दै एसईई आइडलको तेस्रो संस्करणको सेमिफाईनलको सम्पूर्ण तयारी पुरा भएको जनाएको हो ।
सेमिफाईनल वि.सं. २०८१ वैशाख १५ गते ओम प्यालेस धनगढीमा आयोजना हुने प्रभात मिडिया एण्ड इभेन्ट प्रा.लि.का अध्यक्ष प्रकाश छेडालले बताए ।
सेमिफाईनलमा नृत्य तर्फका ३७ र गायन तर्फका ३० जना प्रतिस्पर्धी विद्यार्थीले प्रवेश पाएका छन् । सेमीफाइनलमा वि.स. २०८० मा एसईईको परीक्षा दिएका र अब कक्षा १२ को परीक्षा दिने विद्यार्थीहरूले निःशुल्क प्रवेश पाउनेछन् भने परीक्षाको प्रवेश पत्र भए मन परेको प्रतिस्पर्धीलाई निःशुल्क भोट पनि गर्न पाउनेछन ।
वि.सं. २०८० सालमा एसईई दिएका विद्यार्थीहरू मात्र सहभागी भएको यस प्रतियोगिताका अडिसनहरू वि.सं. २०८० असोजबाट सुरू भएका हुन् ।
अब सेमिफाइनलबाट नृत्यका उत्कृष्ट १५ र गायनका उत्कृष्ट १५ जना विद्यार्थीहरूले फाइनलमा प्रवेश पाउनेछन् । फाईनल पनि वि.सं. २०८१ असार १ गते शनिबारका दिन ओम प्यालेस धनगढीमा आयोजना हुनेछ ।
फाइनलमा नृत्यको विजेता र उपविजेताले क्रमशः रु ५० हजार र रु २५ हजार सहित कक्षा ११ र १२ मा छात्रवृत्तीका साथै थुप्रै गिफ्ट ह्याम्पर हात पार्नेछन् भने गायन तर्फका विजेता र उप–विजेताले क्रमशः रु ५० हजार र रु २५ हजार सहित कक्षा ११ र १२ मा छात्रवृत्तीका साथै थुप्रै गिफ्ट ह्याम्पर हात पार्नेछन् । यसका साथै विजेता, उप–विजेता, अन्य प्रतिस्पर्धीहरूले पनि हात पार्नेछन्।
यसका साथै कार्यक्रम हेर्न आउने वि.स. २०८० मा एसईईको परीक्षा दिएका र कक्षा १२ को परीक्षा दिने विद्यार्थीहरूले निःशुल्क चिठ्ठाबाट विभिन्न उपहार पनि पाउनेछन् ।
