कैलाली । जिल्ला प्रहरी कार्यालयहरुले लागुऔषध बिरुद्धको अभियान २०८० र समुदाय प्रहरी साझेदारी अन्तर्गत पर्ने सचेतना कार्यक्रम शुरु गरेका छन । सोही कार्यक्रम अन्र्तगत जिल्ला प्रहरी कार्यालय बैतडी र मातहत ईप्रका पाटन, प्र.चौ. हल्दुबिनायक, खोड्पे र बाराकोट बैतडीबाट खटिएको प्रहरी टोलीले आ आफ्नो वडा मा सो कार्यक्रम गरिएको जनाएको छ । वडा अन्र्तगत पर्ने बिद्यालय,समुदायमा गई स्थानिय समाजसेबी, बुद्बीजिबी, शिक्षक, बिद्यार्थी, सर्बसाधारण, मानिसहरुको उपस्थितीमा लागुऔषध दुर्व्यसन रोकथाम तथा नियन्त्रणको रोकथामका बारेमा सचेतना दिएको छ ।
त्यस्तै घरेलु हिंसा न्युनिकरण, बालबिबाह न्युनिकरण, सामाजिक अपराध, मानव बेचबिखन रोकथाम तथा न्युनिकरण सम्बन्धी जनचेतनामुलक कार्यक्रम गरी यसको कानुनी पक्ष सम्बन्धी प्रशिक्षण तथा अन्तरक्रिया कार्यक्रम सम्पन्न गरेको जिल्ला प्रहरी कार्यालय बैतडीले निशाना न्युजलाई जानकारी दिएको छ ।
