काठमाडौं ।प्रहरी महानिरीक्षक बसन्त बहादुर कुँवरको प्रमुख आतिथ्यतामा नेपाल विपश्यना
केन्द्र बुढानिलकण्ठमा संचालित १० दिने विपश्यना ध्यान शिविर सम्पन्न भएको छ ।
प्रहरी महानिरीक्षक कुँवरले सो अबसरमा शानिबार केन्द्रको अवलोकन गरेका थिए । कार्यक्रममा प्रहरी महानिरीक्षक कुँवरले प्रहरी निरीक्षकहरूलाई प्रहरी आधारभूततालिम पश्चात आध्यात्मिक चिन्तन मनन गर्ने अवसर प्रदान गराई उपलब्ध सेवासुविधाहरू समेत उपभोग गर्ने वातावरण बनाई दिएकोमा नेपाल विपश्यना केन्द्र एवम्प्रहरी प्रतिष्ठानलाई धन्यवाद दिँदै नेपाल प्रहरीका भविष्यका कर्णधारका रूपमा रहेका प्रहरीनिरीक्षकहरूलाई जागिरे जीवनमा मात्र नभई व्यक्तिगत जीवनमा समेत प्रत्यक्ष रूपमा लाभान्वित पुग्ने बताए । साथै ध्यान शिविरमा सहभागी प्रहरी निरीक्षकहरू आगामीदिनका लागि पुनर्जाग्रित हुन सफल भएको विश्वास उहाँले व्यक्त गरे ।प्रहरी महानिरीक्षक कुँवरले प्रहरीको जीवनशैली अत्यन्त द्रुत, व्यस्त र चुनौतिपूर्णरहेको उल्लेख गर्दै विभिन्न कठिनाईहरूको सामना गर्नु अगाडि आत्म चिन्तन, आत्म अनुभूतिर तनावमुक्त हुन पाउनु एउटा अमूल्य अवसर रहेको बताए ।जीवनमा आई पर्नेविभिन्न बिध्नबाधा, कठिनाइ, चुनौतिले धेरै उदास नहुने र प्राप्त हुने हर्ष उल्लासलेवास्तविकता नबिर्सने ज्ञान र सीप प्राप्त गर्न समेत यो शिविरले मद्दत पुर्याएको उनलेबताए । शिविरमा सहभागी भएका प्रहरी निरीक्षकहरूले सधै विवेकशील रव्यावसायिक ढंगले आफ्नो कर्तव्य पालना गर्ने र नेपाल प्रहरीको उज्जवल भविष्यको रूपमाआफूलाई साबित समेत गर्ने विश्वास लिएको उनले बताए ।अवकाश प्राप्त प्रहरी महानिरीक्षक कुवेर सिंह रानाले स्वागत मन्तव्य व्यक्त गरेका थिए ।उक्त कार्यक्रममा नेपाल विपश्यना केन्द्रका क्षेत्रीय आचार्य डा .रूप ज्योतीले ध्यान शिविरकोमहत्वबारे मन्तव्य व्यक्त गरेका थिए ।राष्ट्रिय प्रहरी प्रशिक्षण प्रतिष्ठान महाराजगंजको समन्वयमा जेठ २२ गतेदेखि संचालित उक्त शिविरमा हालै दीक्षित प्रहरी निरीक्षक आधारभूत तालिम १८२ औंसमूहका १ सय ४६ जना प्रहरी निरीक्षकहरूको सहभागिता रहेका थिए ।विपश्यना ध्यान शिविर समापन कार्यक्रममा प्रहरी अतिरिक्त महानिरीक्षकहरू,वरिष्ठ प्रहरी अधिकृतहरू, नेपाल विपश्यनाकेन्द्रका पदाधिकारीहरूको उपस्थिति रहेकोथियो ।
