कैलाली । दूग्ध विकास संस्थानले धनगढीमा दुधको बिक्री कक्ष संचालनमा ल्याएको छ ।
यहाँको किसानले उत्पादन गरेको दुध उपभोक्ता माँझ पुर्याउने उदेश्यले आज बाट धनगढीको भेटेरिनरी अस्पतालमा संस्थानले सो बिक्री कक्ष संचालनमा ल्याएको हो ।
संस्थानले उत्पादन गरेको दूध दही, घियु पनिर, लस्सी र रसभरी लाई सहज सरल रुपमा उपभोक्ता माझ पुर्याउनका लागि धनगढीमा बिक्री कक्ष सुरु गरेको आयोजना प्रमुख निरन्जन भट्टराईले जानकारी दिए ।
बिक्री कक्षको उद्घाटन गर्दै सुदुरपश्चिम प्रदेशका भूमि व्यवस्था,कृषि सहकारी मन्त्री बीरबहादुर थापाले कृषकले उत्पादन गरेको दूध बजारसम्म ल्याउने वातावरणका लागि मन्त्रालय अघि बढेको बताएका छन ।
बिकट क्षेत्रका कृषकले उत्पादन गरेको दूधको नत डाटा छ न बजार यस्को सहजका लागी चालु आर्थिक बर्षको बजेटमा व्यवस्था गरिएको उनले बताए ।
कृषकलाई माथि उठाउन सबै लाग्न जरुरी भएको उनले बताए । उनले सुदुरपश्चिममा पावरपलान्ट स्थापना गरि योजनाका साथ कामको शुरुवात गर्न र उत्पादन गरिएका दूग्धजन्य पदार्थलाई राष्ट्रिय तथा अन्तराष्ट्रिय स्तरसम्म पुर्याउन यसै बर्ष मन्त्रालयले टेण्डर आह्वान गरी कामको थालनी गर्न लागेको जानकारी दिए ।
सबैले कृषकको समस्या समाधान गर्न र उनीहरुलाई माथि उठाउन सोच्न जरुरी भएको उनको भनाई छ । संस्थानकोको आफ्नै जग्गा र भवनको उपलब्धका लागि मन्त्रालयले गृहकार्य गरिरहेको उनले बताए । संस्थानले मन्त्री थापालाई मायाको चिनो दिनुका साथै उत्पादन गरेको लस्सी र रसवरी खुवाएर कार्यक्रममा लन्च गरेको थियो ।
