धनगढी- नेकपा माओवादी केन्द्र निकट थारु राष्ट्रिय मुक्ति मोर्चाको कैलाली जिल्ला अध्यक्षमा तिलक चौधरी निर्विरोध निर्वाचित भएका छन् ।
बुधबार सम्पन्न मोर्चाको दोस्रो जिल्ला सम्मेलनबाट अध्यक्षमा चौधरी निर्विरोध निर्वाचित भएका हुन् ।
उपाध्यक्षमा क्रमशः टीकाराम चौधरी,लक्ष्मी चौधरी,बावुराम चौधरी,सन्तलाल कठरिया र असोक चौधरी निर्वाचित भएका छन् । त्यस्तै सचिवमा रामबहादुर चौधरी निर्विरोध भएका छन् ।
सह–सचिवमा क्रमशः कृति चौधरी,राजकुमार चौधरी,विमान चौधरी,विनोद चौधरी,सन्तु चौधरी र अदल चौधरी निर्विरोध निर्वाचित भएको जनाइएको छ । त्यस्तै कोषध्यक्षमा रविन चौधरी निर्वाचित भएको मोर्चाले जनाएको छ ।सम्मेलनबाट ५५ सदस्यीय जिल्ला समिति निर्विरोध निर्वाचित भएको जनाइएको छ ।
