धनगढी- शान्ति सुरक्षालाई ध्यानमा राख्दै सशस्त्र प्रहरी बल ७ नं बैजनाथ बाहिनीले सुदूरपश्चिम प्रदेशका नाकामा कडाइ गरेको छ ।
दसैँ तिहार नजिकिएसँगै दुई देशिय र त्रिदेशियका नागरिकलाई नाकामा समस्या हुन नदिन सशस्त्र प्रहरी बलले कडाइ गरेको हो ।
सुदूरपश्चिमका ९ वटै जिल्लाका २१ ठाउँमा हेल्प डेस्क र ५ जिल्लाका ५ स्थानमा हेल्थ डेष्क निर्माण गरिएको सशस्त्र प्रहरी वल ७ नं बैजनाथ बाहिनीका सशस्त्र प्रहरी उपरीक्षक वीरेन्द्रबहादुर ऐरले निशाना न्युजलाई जानकारी दिए । नागरिकलाई नाकामा समस्या नहोस् भन्नका लागि प्रहरी बलले हेल्थ र हेल्प डेस्क निर्माण गरी कामको थालनी गरेको उनले बताए ।
सुदूरपश्चिमका ९ वटै जिल्लामा सीमा गस्ती,रात्री,दिउँसो गस्ती,हाइवेमा एम्वुलेन्स एलआरटी चेक प्वाईन्ट,क्युआरटी चेक प्वाईन्ट, स्टेन्डवाई टोली, दुर्घटना रेस्क्यु, बजार गस्ती, विपद् र नाकामा ठगिने,लुटिने प्रवृतिलाई रोक्न जनचेतनाका कार्यक्रम गरिँदै आएको उनले बताए ।
‘ब्याकअप प्रहरी त हामीसँग हुने नै भयो । स्पेसल्ली बिशेष सुरक्षा योजना अन्र्तगत दशै तिहार लक्षितका लागि दुई हजार ५ सय ४४ सशस्त्र प्रहरी परिचालन गरिएको छ’ उनले भने ।
उनले स्टेण्डवाइ १ पलाटुन २४सै घण्टा सुरक्षामा खटिने गरेको बताए । उनीहरुले सँयुक्त सीमा गस्ती,बैठक गर्नुका साथै नेपाली सेना, नेपाल प्रहरी उधोगवाणिज्य संघ लगायत सम्बन्धीत निकाय संग प्रभावकारी मजबुद सुरक्षा र कामका लागी समन्वय गर्दै अगाडि बढिरहेको उनको भनाइ छ ।
भन्सार छलीका सामान लगायतबाट चालु आर्थिक बर्षको हालसम्म ४ करोड ८३ लाख ८६ हजार ८३६ रुपैयाँ राजस्व संकलन भएको उनले वताए । सीमा सुरक्षामा पनि कटिबद्ध भएर लाग्ने गरेको बताउँदै उनले सीमा सुरक्षामा खलल पुग्ने काम भए र सीमा स्तम्भ पानीले बगाएमा दुईटै देशमा मनिटरिङ गरि अन द स्पोट सुधार गरिँदै अघि बढ्दै जाने गरेको बताए ।
