काठमाडौं । रूपन्देही, लुम्बिनी साँस्कृतिक नगरपालिका-६ स्थित सडकमा लु.१ क १९४० नम्बरको जेसिबि र लु.४ प ३९६६ नम्बरको मोटरसाइकल एकआपसमा ठक्कर खाई बिहान दुर्घटना हुँदा मोटरसाइकल चालक सोही नगरपालिका-३ पडरिया बस्ने २८ वर्षीय मोहम्मद
अजिम मुसलमानको मृत्यु भएको छ ।
दुर्घटनामा गम्भीर घाइते भएका उनको सिटि अस्पताल भैरहवामा उपचारको क्रममा मृत्यु भएको हो । जेसिबि चालकलाई प्रहरीले नियन्त्रणमा लिएको छ ।
बारा, आदर्शकोतवाल गाउँपालिका-६ लौकाहास्थित सडकमा बीआर ३० एजे ३५२७ नम्बरको मोटरसाइकललाई हाल नम्बर नखुलेको पिकअपले बिहान ठक्कर दिँदा मोटरसाइकल चालक भारत राज्य बिहार बैरगनिया बस्ने २५ वर्षीय साहेब पण्डितको मृत्यु
भएको छ ।
दुर्घटनामा गम्भीर घाइते भएका उनको प्रादेशिक अस्पताल कलैयामा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको गण्डक अस्पताल वीरगंजमा उपचार भइरहेको छ ।
हाल फरार पिकअप र चालकको प्रहरीले खोजी गरिरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
