धनगढी । कैलालीमा भन्सार छलीका सामान नियन्त्रणमा लिइएको छ ।
शुक्रबार जिल्लाको धनगढी उपमहानगरपालिका-३ शिशा पोष्ट र बर्दगोरिया गाउँपालिका-६ बासकोटीस्थित भित्री सडकखण्डबाट अवैध रुपमा भारतबाट भन्सार छली गरि ल्याएका अन्दाजी रु.८५ हजार ९५५ बराबरको सामान नियन्त्रणमा लिइएको प्रहरीले जनाएको छ ।
उक्त मूल्यका जेन्स कुर्ता, कट्टु, टप्स, पानीपुरी, मोटरसाइकलका पार्ट/पुर्जा लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको जनाइएको छ ।
