धनगढी । कैलालीमा मलामी बोकेको ट्रयाक्टर दुर्घटना हुँदा तीन जनाको मृत्यु भएको छ । जिल्लाको बर्दगोरिया गाउँपालिका–४ नौनियाबाट कर्णाली चिसापानी जाँदै गरेको ट्याक्टर दुर्घटना हुँदा तीन जनाको मृत्यु भएको ट्राफिक प्रहरी पोष्ट लम्कीले जनाएको छ ।
दुर्घटनामा परि बर्दगोरिया गाउँपालिका–४ नौनियाका शीतल साउद,हर्क साउद र दानबहादुर साउदको घटनास्थलमै मृत्यु भएको ट्राफिक प्रहरी पोष्ट लम्कीका इन्चार्ज भरत शाहीले जानकारी दिए ।
उनका अनुसार सुपप्र ०१–००२ त ४९९१ नम्बरको ट्याक्टर गोरुङ्गे सशस्त्र क्याम्प नजिक दुर्घटना भएको हो । दुर्घटनामा १२ जना घाइते भएको उनले जानकारी दिए ।
