काठमाडौं । प्रतिनिधिसभा विघटनविरुद्ध सर्वोच्च अदालतमा परेका रिटहरूमा आजदेखि संवैधानिक इजलासमा सुनुवाइ हुँदैछ ।
यसका लागि प्रधानन्यायाधीश प्रकाशमान सिंह राउतको नेतृत्वमा पाँच सदस्यीय संवैधानिक इजलास गठन गरिने छ ।
सर्वोच्च अदालतका प्रवक्ता अर्जुनप्रसाद कोइरालाका अनुसार प्रधानमन्त्रीको नियुक्ति तथा संसद् विघटन बदर एवं संसद् पुनःस्थापना समेतमा उत्प्रेषण, परमादेश आदेशको माग गर्दै दायर भएका रिटमा प्रारम्भिक सुनुवाइ हुन लागेको हो ।
प्रधानमन्त्री सुशीला कार्कीको नियुक्ति र संसद् विघटन दुबै असंवैधानिक कदम रहेको दाबीसहित सर्वोच्चमा अधिवक्ता डा. प्रेमराज सिलवाल, युवराज सफललगायतबाट १६ वटा रिट दर्ता भएका छन् ।
अन्तरिम सरकारकी प्रधानमन्त्री कार्कीको सिफारिसमा गत भदौ २८ गते राष्ट्रपति रामचन्द्र पौडेलले प्रतिनिधिसभा विघटन गरी आगामी फागुन २१ गतेका लागि निर्वाचनको मिति घोषणा गरेका थिए ।
