काठमाडौं । कञ्चनपुर, भीमदत्त नगरपालिका-५ तिनतारास्थित सडकमा म।१ ह ५५२ नम्बरको अटो अनियन्त्रित भई दुर्घटना हुँदा अटोमा सवार सोही नगरपालिका(१८ जानकी टोल बस्ने ९८ वर्षीया दुरपती देवि चन्दको मृत्यु भएको छ । शुक्रबार दिउँसो भएको उक्त दुर्घटनामा
गम्भीर घाइते भएकी उनको महाकाली प्रादेशिक अस्पतालमा उपचारको क्रममा शनिबार बिहान मृत्यु भएको हो । प्रहरीले हाल फरार अटो चालकको खोजी गरिरहेको छ ।
सुर्खेत, बीरेन्द्रनगर नगरपालिका-२ स्थित सडकमा क.प्र.०२००३ प १७४४ नम्बरको मोटरसाइकलले लु.३६ प ३८८६ नम्बरको स्कुटरलाई ठक्कर दिई शुक्रबार साँझ दुर्घटना हुँदा स्कुटर चालक सोही नगरपालिका(१ बस्ने कालिकोट घर भएका ३४ वर्षीय बिरेन्द्र आचार्यको मृत्यु भएको छ । दुर्घटनामा गम्भीर घाइते भएका उनको प्रदेश अस्पताल कालागाउँमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ ।
दाङ, घोराही उपमहानगरपालिका-१० स्थित सडकमा लु.१ च ६२५८ नम्बरको भ्यान र रा.२ प ११६६ नम्बरको मोटरसाइकल एकआपसमा ठक्कर खाई शुक्रबार साँझ दुर्घटना हुँदा मोटरसाइकल चालक तुलसीपुर उपमहानगरपालिका-१७ बनकट्टी बस्ने २६ वर्षीय केदार केसीको मृत्यु भएको छ । दुर्घटनामा गम्भीर घाइते भएका उनको राप्ती स्वास्थ्य बिज्ञान प्रतिष्ठान घोराहीमा उपचारको क्रममा मृत्यु भएको हो । भ्यान चालकलाई प्रहरीले नियन्त्रणमा लिएको छ ।
कपिलवस्तु, कृष्णनगर नगरपालिका-११ झिङगास्थित सडकमा अनटेष्ट लेखिएको ई -रिक्सा र लु.४२ प ४३५० नम्बरको मोटरसाइकल एकआपसमा ठक्कर खाई शनिबार बिहान दुर्घटना हुँदा मोटरसाइकल चालक विजयनगर गाउँपालिका-४ मुझनिया बस्ने ३५ वर्षीय
राम कुमार चमारको मृत्यु भएको छ ।

दुर्घटनामा गम्भीर घाइते भएका उनको चौराह अस्पताल बुटवलमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार २ जना मध्ये १ जनाको सोही अस्पतालमा र १ जनाको शिवराज अस्पताल बहादुरगंज कपिलवस्तुमा उपचार भइरहेको छ भने ई-रिक्सा चालकको जिल्ला अस्पताल तौलिहवा कपिलवस्तुमा उपचार भइरहेको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।