धनगढी- नेपाली कांग्रेसका केन्द्रीय सदस्य नृप बहादुर वडले संयुक्त लोकतान्त्रिक वाम गठबन्धनका उम्मेदवारहरुलाई एकल प्रचार नगर्न आग्रह गरेका छन् ।संयुक्त लोकतान्त्रिक वाम गठबन्धन निकटका पत्रकारहरुको धनगढीमा अयोजित भेलामा बोल्दै उनले सो आग्रह गरेका हुन् ।
अलग-अलग प्रचार गर्दा गठबन्धनमा तिक्तता आउन सक्ने भन्दै उनले सो कुरा बताएका हुन् । कैलालीमा गठबन्धनका उम्मेदवारको जित निश्चित भएको बताउदै केन्द्रीय सदस्य वडले बिगतको तुलनामा प्रचारशैलीलाई ब्यबस्थित गरेको समेत उनको भनाई छ ।
यस्तै कार्यक्रममा बोल्दै केन्द्रीय सदस्य वडले गठबन्धन राष्ट्रिय आवश्यकता भएकोले यसको सबैदलले पालना गर्नु पर्नेमा समेत उनको जोड थियो । सो कार्यक्रममा बोल्दै नेपाली कांग्रेसका जिल्ला सभापति नारायणदत्त भट्टले कैलाली जिल्लामा गठबन्धनले प्रचार९प्रचार समपति गठन र सम्पर्क कार्यालय स्थापना गरिरहेको बताए ।
भेलामा नेपाली कांग्रेसका सचिवद्वय केशव मिश्र ,नृप सुनार र प्रचार विभाग प्रमुख तपेन्द्र भुषाल, प्रेस सेन्टर नेपाल कैलालीका अध्यक्ष तेजराज भट्ट, समाजबादी प्रेसका कैलाली अध्यक्ष लक्ष्मीप्रशाद जैशी लगाएतका बिभिन्न गठबन्धनका शुभेच्छुक पत्रकार संगठनका प्रतिनिधीहरुको सहभागिता रहेको थियो । भेलाको सहजिकरण नेपाल प्रेस युनियन कैलालीका अध्यक्ष श्रवण देउवाले गरेका थिए ।
