धनगढी । धनगढी उपमहानगरपालिकाले कक्षा ८ को परीक्षामा उत्कृष्ट नतिजा ल्याउने २५ वटा सामुदायिक तथा संस्थागत विद्यालयलाई सम्मानित गरेको छ।
उपमहानगरपालिकाले आज आयोजित एक कार्यक्रममा शैक्षिक गुणस्तर सुधारमा उल्लेखनीय योगदान पुर्याउने विद्यालयहरूलाई सम्मानित गरिएको हो।
सम्मानित विद्यालयहरूमा उत्कृष्ट नतिजा ल्याउने १० सामुदायिक र १५ संस्थागत विद्यालय समावेश छन्। सामुदायिकतर्फ वेहडावावा मावि, शारदा मावि, सिद्धार्थ मावि, सर्वोदय मावि, इन्द्रोदय मावि, पञ्चोदय मावि, शारदा मावि देवरिया, जनप्रिय मावि, ठेकराज मावि र चन्द्रोदय मावि रहेका छन्।
यस्तै संस्थागततर्फ सिद्धार्थ विद्या मन्दिर, मयूर ई.बो. गुरुकुल ई.बो., जेसिज एभरेस्ट, ग्लोबल मोडर्न पब्लिक स्कुल, पञ्चकोटी विद्या निकेतन, नन्दिनाज एकेडेमी, अपि विद्या निकेतन, गोल्डेन ज्योति, केदारनाथ विद्या निकेतन, सिद्धार्थ इन्टरनेशनल, दरबार ई।बो।, ग्यालेक्सी मावि र डिलाइट ई.बो. स्कुल सम्मानित भएका छन्।
