धनगढी । जिल्ला प्रशासन कार्यालय कैलालीले नागरिकको घरमै राहदानी पुर्याउने कार्यक्रम सुरु गरेको छ ।
सोमबार कार्यालयले संघीय सरकारको नीतिअनुसार राहदानी,नागरिकता तथा राष्ट्रिय परिचयपत्र हुलाकमार्फत घरमै पठाउने कार्य औपचारिकरूपमा सुरु गरेको हो।
प्रमुख जिल्ला अधिकारी हीरालाल रेग्मीले झन्डै दुई सय सेवाग्राहीका राहदानी हुलाकमार्फत पठाएर सेवाको सुरुवात गरेका हुन ।
उनले हाललाई सेवाग्राहीको घरमा हुलाकमार्फत राहदानी पठाउने व्यवस्था गरिएको र विस्तारै थप सेवा विस्तार गरिने बताए ।
उनले भने ‘अब पहिले जस्तो सेवाग्राहीले लाइनमा बस्नुपर्ने झन्झट अन्त्य हुँदै गएको छ। जनताको घरदैलोमै कार्यालयको सेवा पुर्याउने योजना लिएर अगाडि बढाएका छौँ ।’
