कैलाली । धनगढी उपमहानगरपालिकाले आगो नियन्त्रण गर्न सजिलोको लागी १४ वटा फायर हाइड्रेन्ट लाइन जडान गरेको छ । धनगढी उपमहानगरपालिकाको विभिन्न स्थानमा सो फायर हाइड्रेन्ट लाइन जडान गरेको हो ।
गत आर्थिक बर्षमा ७ र चालु आर्थिक बर्षमा ७ गरी १४ वटा फायर हाइड्रेन्ट लाइन जडान गरिएको धनगढी उपमहानरपालिकाले जनाएको छ । बिगतका दिनहरुमा आगजनीजन्य विपद् पर्दा दमकलमा पानी सकिएपछि पुनः उपमहानगरपालिका कार्यालयसम्म पुगेर पानी भर्नुपर्ने अवस्था रहँदै आएको थियो।
हाल उक्त समस्यालाई समाधान गर्न धनगढी उपमहानगरपालिकाका विभिन्न क्षेत्रमा फायर हाइड्रेन्ट लाइन जडान गरिएको छ।
यस व्यवस्थाले आगलागी भएको अवस्थामा नजिकैबाटै दमकलमा पानी भरेर आगो नियन्त्रण गर्न सजिलो र छिटो हुने अपेक्षा गरिएको छ ।
