धनगढी । बैतडीमा एक थान अवैध भरुवा बन्दुकसहित एकजना पक्राउ परेका छन ।
पक्राउ पर्नेमा जिल्ला पाटन नगरपालिका-२ कफलचुडा बस्ने ४० वर्षीय सुरेन्द्र मल्ल रहेको सुदूरपश्चिम प्रदेश प्रहरी कार्यालयले जनाएको छ ।
मल्लको घरमा भरुवा बन्दुक रहेको भन्ने बिशेष सूचनाको आधारमा प्रहरी चौकी खोड्पेबाट खटिएको प्रहरीले निजको घर खानतलासी गर्दा लुकाई छिपाई राखेको अवस्थामा उक्त हतियार फेला पारी उक्त हतियार सहित बुधबार पक्राउ गरेको प्रहरीले जनाएको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
