धनगढी । कैलालीबाट लागुऔषध खैरो हेरोइनसहित दुईजना पक्राउ परेका छन ।
जिल्लाको गोदावरी नगरपालिका-१० दमौराबाट अवैध लागुऔषध खैरो हेरोईन जस्तो देखिने धुलो पदार्थ १८० मिलिग्रामसहित सोही ठाउँ बस्ने १९ वर्षीय योगेन्द्र भुल र २६ वर्षीय अमितकुमार तामाङ पक्राउ परेको सुदूरपश्चिम प्रदेश प्रहरी कार्यालयले जनाएको छ ।
लागुऔषध सेवन गरी हिडिरहेका छन भन्ने विशेष सूचनाको आधारमा इलाका प्रहरी कार्यालय मालाखेतीबाट खटिएको प्रहरीले चेकजाँच गर्दा उक्त पदार्थ फेला पारी उक्त पदार्थसहित उनीहरुलाई शनिबार पक्राउ गरेको जनाएको छ ।
