धनगढी । कञ्चनपुर र कैलालीबाट प्रहरीले अवैध भन्सार छलीका सामान नियन्त्रणमा लिएको छ ।
कञ्चनपुरको भीमदत्त नगरपालिका-४ बसपार्क र दोधारा चाँदनी नगरपालिका-३ न्याउली घाँटबाट अवैध रुपमा भारतबाट भन्सार छली गरि ल्याएका अन्दाजी मूल्य रु.२ लाख ३५ हजार १ सय बराबरको तरकारी, कुरकुरे, पेय पदार्थ, पाप्पड, माछा, एक थान मोटरसाइकल लगायतका सामानहरु आइतबार जिल्ला प्रहरी कार्यालय कञ्चनपुर तथा मातहत कार्यालयबाट खटिएको प्रहरीले बेवारिसे अवस्थामा फेला पारी नियन्त्रणमा लिएको जनाएको छ ।
त्यस्तै,कैलालीको धनगढी उपमहानगरपालिका-२ भन्सार कार्यालय नजिकबाट अवैध रुपमा भारतबाट भन्सार छली गरि ल्याएका अन्दाजी मूल्य रु.३१ हजार ३५० बराबरको चिनी, खाने तेल, ग्याँस लाइटर, साडी, सुटपिस, किराना लगायतका सामानहरु आईतबार प्रहरी चौकी त्रिनगरबाट खटिएको प्रहरीले बेवारिसे अवस्थामा फेला पारी आवश्यक प्रक्रिया पूरा गरि नियन्त्रणमा लिएको जनाएको छ ।
