धनगढी ।प्रतिनिधि सभाका सभामुख डाेलप्रसाद अर्यालले तिनै तहबिच सहकार्य हुनुपर्ने बताएका छन । उनले तिनै तहबिचकाे सहकार्यमा मात्र देशमा बिकास सम्भव हुने उल्लेख गरे ।
शनिवार कैलालीकाे टिकापुरमा सुरु भएकाे अन्तर ब्यबस्थापिका सम्मेलनकाे उद्घाटन गर्दै सभामुख अर्यालले भने – संघिय, प्रदेश र स्थानिय बिचकाे समन्वय बिना बिकास सम्भव छैन , सहकार्य अपरिहार्य छ । सभामुख अर्यालले कानुन बनाउदा जसका लागि हाे उसलाई जानकारी हुनुपर्ने बताए । उनले भने – कानुन निर्माण हुनु पहिल्यै सराेकारपक्षलाई जानकारी हुनुपर्छ, उहाँहरुकाे सुझाब सल्लाह अनुसारनै कानुन निर्माण हुनुपर्छ । सराेकारवालाकाे सहभागितामै कानुन निर्माण भए कार्यान्वयनमा सहज हुने सभामुख अर्यालकाे भनाई छ ।
सभामुख अर्यालले भने -हामी संघिय कानुन निर्माण गर्दा एक अर्कामा नबाझिने गरि निर्माण गर्नेछाै । अर्यालले अब भेला, सम्मेलनबाट आएका निष्कर्षलाई कार्यान्वयनमा जाेड दिनु पर्ने बताए ।
यसैगरी राष्ट्रिय सभा अध्यक्ष नारायणप्रसाद दाहालले
संसारकै उत्कृष्ट संबिधान मध्यकाे नेपालकाे २०७२ मा जारी संबिधान रहेकाे बताए । उनले जसका कारण नेपालकाे सिर ठाडाे रहेकाे बताए ।
अध्यक्ष दनहालले भने – अहिलेकाे सबै परिबर्तनकाे जग २०७२ काे संविधान हाे,लाेकतान्त्रीक मुलुकमा बिधिकाे शासन मुख्य कुरा हाे । त्याे बिधिकाे पालना गर्नु हामी सबैकाे दायित्व हाे ।
तिनै तहका बिधायककाे समन्वय जरुरी रहेकाे अध्यक्ष दाहालकाे भनाई छ ।
सुदूरपश्चिम प्रदेश सभा सचिवालयकाे ब्यबस्थापनमा सुरु भएकाे सम्मेलनमा प्रतिनिधि सभाका सभामुख,
उपसभामुख, राष्ट्रिय सभाका अध्यक्ष, उपाध्यक्ष संगै
७ वटै प्रदेशका सभामुख र उपसभामुखकाे सहभागिता रहेकाे छ । सुदूरपश्चिम प्रदेश सभाका सभामुख भिम भण्डारीकाेअध्यक्षतामा सुरु भएकाे सम्मेलनकाे प्रतिनिधि सभाका सभामुख डाेल प्रसाद अर्यालले उद्घाटन गरेका हुन । सम्मेलन आज र भाेली दुई दिन सम्म चल्नेछ ।