धनगढी । कैलालीमा प्रहरीले अवैध लागूऔषधसहित पाँच जना पक्राउ गरेको छ ।
आइतबार जिल्लाका विभिन्न स्थानबाट उनीहरूलाई प्रहरीले पक्राउ गरेको हो ।
जानकी गाउँपालिका-८ भोक्सीबाट अवैध लागूऔषध खैरो हिरोइन जस्तो देखिने धुलो पदार्थ १ ग्राम ८८० मिलिग्रामसहित जोशीपुर गाउँपालिका-३ बस्ने ४८ वर्षीय प्रमेश्वर डगौरा थारूलाई पक्राउ गरेको प्रहरीले जनाएको छ ।
त्यसैगरी,धनगढी उपमहानगरपालिका-७ भानुचोकबाट अवैध लागूऔषध खैरो हेरोइन जस्तो देखिने धुलो पदार्थ ४६० मिलिग्राम सहित सोही उपमहानगरपालिका-१ बसन्त टोल बस्ने २१ वर्षीय असिम चौधरीसहित ४ जनालाई पक्राउ गरेको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको जनाइएको छ ।
