धनगढी । नेपाली कांग्रेसको १५औँ महाधिवेशनअन्तर्गत कैलाली क्षेत्र नम्बर ५ (क) बाट ३५ वर्षमुनिको युवा क्लस्टरतर्फ कमल कुमार ऐडी महाधिवेशन प्रदेश प्रतिनिधिमा निर्विरोध निर्वाचित भएका छन्।
ऐडी कैलाली बहुमुखी क्याम्पसका स्ववियु उपसभापति तथा नेपाल विद्यार्थी संघ धनगढीका नगर सचिव हुन्। उनी यसअघि स्ववियु सदस्यका रूपमा समेत काम गरिसकेका छन्।
विद्यार्थी राजनीतिमा सक्रिय ऐडी लामो समयदेखि विद्यार्थी हकहित, शैक्षिक सुधार तथा युवा नेतृत्व विकासका क्षेत्रमा सक्रिय रहँदै आएका छन्। युवा पुस्ताको प्रतिनिधित्व गर्दै पार्टी संगठनमा सक्रिय भूमिका निर्वाह गर्ने उद्देश्यसहित उनले प्रदेश प्रतिनिधिमा उम्मेदवारी दिएका थिए।
ऐडीको निर्विरोध निर्वाचितसँगै कांग्रेसको १५औँ महाधिवेशन प्रक्रियामा कैलाली क्षेत्र नम्बर ५ (क) बाट युवा पुस्ताको प्रतिनिधित्व थप भएको छ।
