धनगढी । कञ्चनपुरमा बिजुलीको करेन्ट प्रयोग गरेर माछा मार्ने क्रममा करेन्ट लाग्दा एक युवकको मृत्यु भएको छ ।
जिल्लाको बेलडाँडी गाउँपालिका-२ स्थित पुरानो चौधर नदीमा शुक्रबार दिउँसो माछा मार्ने क्रममा करेन्ट लाग्दा स्थानीय २२ वर्षीय हेमु रानाको मृत्यु भएको प्रहरीले जनाएको छ ।
प्रहरीका अनुसार राना नदीमा बिजुलीको करेन्ट प्रयोग गरी माछा मारिरहेका बेला करेन्ट लागेको थियो ।
घटनाबारे थप अनुसन्धान भइरहेको प्रहरीले जनाएको छ ।
