धनगढी । कैलालीमा १५ वर्षीया बालिकालाई जबरजस्ती करणी गरेको अभियोगमा एक जना पक्राउ परेका छन् ।
पक्राउ पर्नेमा घोडाघोडी नगरपालिका-८ दिपनगर बस्ने ३४ वर्षीय युवराज आचार्य रहेका छन् ।
बालिकामाथि जबरजस्ती करणी गरेको भन्दै परेको उजुरीका आधारमा इलाका प्रहरी कार्यालय सुखडबाट खटिएको प्रहरी टोलीले आचार्यलाई आइतबार साँझ पक्राउ गरेको जनाएको छ ।
घटनाबारे प्रहरीले आवश्यक अनुसन्धान भइरहेको जनाएको छ।
