नगरपालिकाले मेयरको जनसम्पर्क सल्लाहकारमा गौराज लिम्बु, संचार विज्ञमा चक्रसिंह महता, न्यायीक समितिको सल्लाहकारमा टेकबहादुर कठायत, उपमेयर जोशीको प्रशासनिक सल्लाहकारमा सन्तोषी ऐरलाई नियुक्त गरेको छ। यसैगरी, मेयर बोगटीको नीजि सवारी चालक भएर काम गरिरहेका बसन्त विष्टसहित ३ जनालाई जेठ १० गते ज्यालादारीमा राखिएको थियो। मेयरको सहयोगीको रुपमा उत्तर कुँवर र उपमेयरको सहयोगीको रुपमा कमला साउँद ज्यालादारीमा काम गर्ने गरी नियुक्त भएका थिए।

चालकमा नियुक्त भएका विष्टले जागिर छोडिसकेका छन् भने साउँद र विष्ट अहिले पनि कार्यरत छन्। नगरपालिकाले मेयरको सहजताका लागि नासु नरेन्द्रदेव भट्ट र उपमेयरको सहजताका लागि खरिदार लक्ष्मण भट्टलाई खटाएपनि मेयर र उपमेयरले ज्यालादारीमा काम गर्ने गरि सहयोगी नियुक्त गरेका थिए। मेयरकै कार्यकक्षमा काम गर्ने पावर्ती सिंहलाई यसअघिकी उपमेयर शुशिला चन्द सिंहकै पालामा ज्यालादारीमा राखिएको थियो।