धनगढी- बोधित्सव बिहारको सहयोग र नेपाल परिवार दलका संयोजक खडक नागरीको पहलमा डोटीका भूकम्प पीडितलाई सहयोग गरिएको छ ।
सायल गाउँपालिका वडा न ५ डोटीका ४०० जना भूकम्प पीडितहरूलाई खाद्यान्न वितरण गरिएको हो । २५ केजी चामल, १० केजी आटा, १ केजी मसुर दाल ,१ केजी चना , १ केजी चिनी, २ लिटर तोरीको तेल , १ पाकेट नुन, ३ पिस साबुन, औषधी सहयोग गरिएको हो । त्यसै क्षेत्रको श्री कालिका मा।वि का २०० जना विद्यार्थीलाई स्टेशनरी सामग्री समेत वितरण गरिएको छ । २०० पिस कपि, २०० पिस पेन, भूकम्प पीडितहरूलाई २०० जनालाई खाजाको लागि ब्रेड पनि वितरण गरिएको छ । जाडोको लागि २०० जनालाई कम्बल ब्ल्याङकेट पनि वितरण गरिएको छ ।

सो कार्यक्रममा बोधिसत्व विहारका अध्यक्ष Master Hue Kuang, विदेशी पाहुना ताइवान, चाइनाबाट ६ जना विदेशीहरू,  बोधित्सव बिहारका कोडिनेटर डा. पिया रत्न महर्जन, धर्म रोकाय, अजय जैरु, नरेश नेपाली, समाजसेवी लगायतको सहभागी रहेको थियो ।

भूकम्पबाट क्षति भएका घरहरूको पनि अवलोकन गरिएको नागरीले बताए । यस्तै बोधिसत्व विहारका अध्यक्षले भूकम्प पीडितलाई आगामी दिनमा पनि सहयोग गर्ने प्रतिबद्धता जनाएका छन् । सहयोगपछि भूकम्प पीडितहरूले धन्यवाद दिएका छन् ।