धनगढी- धनगढीमा बिहीवार ग्रेडरले कुल्चिएर १४ वर्षीया छात्रा चेतना साउँदको मृत्यु प्रकरणप्रति मानबअधिकार संरक्षण मञ्च नेपाल सुदूरपश्चिम प्रदेश समितिको ध्यानाकर्षण भएको जनाएको छ ।
मञ्चका सुदूरपश्चिम प्रदेश अध्यक्ष डिल्लीराज जोशीले शुक्रबार एक प्रेस बिज्ञप्ती जारी गर्दे घटनाप्रति दुःख ब्यक्त गर्नुका साथै दोषीमाथि कानुनी कारवाही र पीडितलाई न्यायसहित क्षतिपूर्तिको माग समेत गरेका छन् ।
बिज्ञप्तीमा घटनाबाट उत्पन्न परिस्थितिका कारण धनगढीका बालबालिका क्षेत्र अशान्तमय भएको स्थितिमा घटनालाई थप प्रभावित हुनबाट रोक्न, आक्रोश र उत्तेजित नभई संयमता अपनाउन र बालबालिका माथि दमन र बल प्रयोग नगर्न समेत अपिल गरिएको छ ।
समस्या समाधानमा तत्काल उचित पहल गर्न सम्पूर्ण स्थानीय प्रहरी प्रशासन, राजनैतिक दल,नागरिक समाज संचारकर्मी, शिक्षक, विद्यार्थी सबैमा अनुरोध गरिएको छ ।
