धनगढी- कम्प्युटर एशोसियसन महासंघ नेपाल (क्यान) कैलालीको अध्यक्षमा यज्ञराज ओझा निर्विरोध चयन भएका छन् ।बुधबार कैलालीको गोदावरीमा भएको महासंघको १५ औं वार्षिक साधारण सभा तथा जिल्ला अधिवेशनबाट ओझाको अध्यक्षतामा नौ सदस्य कार्यसमिति चयन गरेको हो । महासंघको उपाध्यक्षमा प्रकाश देउवा, सचिवमा नरेन्द्र अवस्थी, सह–सचिवमा रामप्रसाद चौधरी, कोषाध्यक्षमा नविन चौधरी निर्विरोध चयन गरेको हो ।
यस्तै, सदस्यमा लक्ष्मीदत्त जोशी, राजेन्द्र विष्ट, रेखा चौधरी र राजुवेद चौधरी चयन भएका छन् । यस्तै केन्द्रिय प्रतिनिधिमा महासंघका पूर्वअध्यक्ष कर्ण पनेरु चयन भएका छन् । महासंघका अध्यक्ष नरेश धामिको अध्यक्षतामा भएका सभाको नेपाल दुर सञ्चार प्रदेश कार्यालयका सहायक निर्देशक सुरत मल्लले समुदघाटन गरेका थिए ।
सो अवसरमा उनले सूचना प्रविधिको विकासका लागि निजी र सरकारले हातोमालो गरेर अघि बढ्नुपर्ने बताए । सभामा महासंघका केन्द्रीय सचिव हर्क सेट्टी, महासंघका प्रदेश सचिव धनबहादुर बोगटी, महासंघ कैलालीका संस्थापक अध्यक्ष ओम पनेरु लगायतले शुभकामना मन्तव्य व्यक्त गरेका थिए ।
