धनगढी- कैलालीको धनगढीस्थित निसर्ग अस्पताल एण्ड रिसर्च सेन्टरले फिजियोथेरापी सेवा शुरु गरेको छ । शुक्रबारबाट अस्पतालले यो सेवा शुरु गरेको हो। एक समारोहका बीच अस्पतालका अध्यक्ष तीर्थराज पन्तले रिवन काटेर उद्घाटन गरे । बढी मांशपेसी र हाडजोर्नीमा समस्या आइरहने भएकाले फिजियोथेरापी सेवा सञ्चालनले आम नागरिकको उपचारमा सहयोग पुग्ने फिजियोथेरापिष्ट डाक्टर नविन ढुङ्गानाले बताए । विशेषगरी नसा च्यापिएका ढाड, कम्मर, हड्डीलगायतको समस्या समाधानका लागि बिरामीहरुले फिजियोथेरापी रोज्ने गरेको उनले बताए ।
‘कतिपय अवस्थामा एउटा रोगको औषधि खाँदा शरीरका अन्य अंगमा त्यसको साइड इफेक्ट परिरहेको हुन्छ । जसले गर्दा मानिसको जीवनशैलीमा नकारात्मक असर परिरहेको हुन्छ । फिजियोथेरापीमा औषधि प्रयोग नहुने भएकाले यस्ता समस्या देखिन्न ’ उनले भने –‘फिजियोथेरापीले शरीरका अंगहरू मजबुत बनाउँछ ।’ फिजियोथेरापीका लागि छुट्टै वार्ड बनाई आधुनिक उपकरणहरु राखिएको छ ।
धनगढीमा सञ्चालनमा रहेका अन्य अस्पतालमा पनि फिजियोथेरापी सेवा शुभारम्भ छन् । तर, अस्पतालले आफुले अन्य अस्पतालको तुलनामा राम्रो सेवा प्रदान गर्ने दाबी गरेको छ । अध्यक्ष पन्तले अस्तापलबाट सबै सेवा सुविधा राम्रो दिँदै आएको बताए । उनले अस्तालले विभिन्न सेवा सुविधा थप्दै आएको र फिजियोथेरापी सेवा पनि थपेको बताए । उनले फिजियोथेरापी सेवा पनि राम्रो दिने बताए ।
निसर्ग फिजियोथेरापीले हाडजोर्नी तथा नशा रोग उपचार (गर्दन, ढाड, घुँडा,कुर्कुचो, कुइना आदि), न्युरोलोजिकल समस्या (पक्षघाट, आरटीए वा प्यारालाइसिस, मुख बांगिने), बालरोग उपचार (अर्टिजम, डाउनसिन्ड्रम, सिपी, किड, मांसेपेशीको कमजोरी), स्पोट्स इन्जुरी (सर्जरी भइसकेपछि आवश्यक पर्ने फिजियोथेरापी सेवा, लिगामेन्ट इन्जुरीको रिहाब्लीटेसन), प्रिडनेसी ओविसीटी लगायत सेवा दिने जनाएको छ । साथै निसर्गले आइसीयू, एनआइसीयू, भेन्टीलेटरमा भएका विरामी र पोष्टअप सर्जरी भएका विरामीका लागि पनि फिजियोथेरापी सेवा दिने जनाएको छ ।
