धनगढी – कैलालीमा ट्रयाक्टर दुर्घटना हुँदा सहचालकको मृत्यु भएको छ । जिल्लाको गोदावरी नगरपालिका १२ को रातापानी सामुदायिक वनमा शुक्रबार बिहान से १ त ६१९३ नम्बरको ट्रयाक्टर दुर्घटना हुँदा कञ्चनपुर पुनर्वासका ४० वर्षीय मनीराम चौधरीको मृत्यु भएको प्रहरीले जनाएको छ ।
प्रदेश ट्राफिक प्रहरी कार्यालयका अत्तरियाका अनुसार चौधरीको ट्रयाक्टरको इन्जिनमा च्यापिएर मृत्यु भएको हो । दुर्घटनामा ट्रयाक्टर चालक पुनर्वास नगरपालिका- १० का ४१ वर्षीय सत्तु राना गम्भीर घाइते भएका छन् ।
उनको धनगढीस्थित माया मेट्रो अस्पतालमा उपचार भइरहेको छ । ट्रयाक्टर अनियन्त्रित भएर दुर्घटना भएको प्रहरीले जनाएको छ ।
