धनगढी- आरोमा इलेक्ट्रिक स्कुटी धनगढीमा पनि पाइने भएको छ । धनगढीस्थित आरोग्य मोटर्स प्रा.लीले इलेक्ट्रिक स्कुटी बजारमा ल्याएको हो । मोटर्सले धनगढी उप महानगरपालिका–५ तारानगरमा मुख्य सो रुम राखेर बिक्री वितरण सुरु गरेको छ । स्कुटी ६ घण्टा चार्ज गरे यो स्कुटी एक सय ६० देखी १ सय ८० किलोमिटर चलाउन सकिने आरोग्य मोटर्स प्रा.लीका प्रबन्धक अर्जुन जैगडीले बताए ।
पेट्रोलियम सवारी साधन जस्तै मंहगो इन्धन किन्नुपर्ने बाध्यता र महिना÷महिनामा सर्भिस गर्नुपर्ने झन्झट समेत यस स्कुटीले अन्त्य गर्ने बिश्वास लिइएको छ । यस इलेक्ट्रिक स्कुटीले इन्धनमा हुने खर्च जोगिने र ध्वनि प्रदुषण पनि कम हुने बिश्वास लिइएको छ । स्कुटीको मूल्य फाइनान्स गरे दुई लाख ७० हजार र नगद खरिद गरे करिब अढाई लाख सम्म पर्ने जनाइएको छ ।
धनगढीमा पाइने मुख्य तीन वटा मोडलहरूमा अन्य सहरको तुलनामा ३० हजार सस्तो पाइने मोटर्सका सञ्चालक यज्ञ ढुङ्गानाले बताए । ग्राहकले खरिद गरेपछि कुनै समस्या नआओस् भनेर कम्पनीले इलेक्ट्रिकल इन्जिनियर समेत राखेको कम्पनीले जनाएको छ । साथै यातायात कार्यालयमा लाग्ने तीन वर्षको नवीकरण शुल्क कम्पनिलेनै बेहोर्ने विशेष सुविधा ल्याइएको छ ।
यस्तै धनगढीका लागी आधिकारिक बिक्रेता आरोग्य मोटर्सलेनै एक सय ९० सी सी को आरोमा मोटरसाइकल पनि बजारमा ल्याएको छ । मोटरसाइकलको मूल्य फाइनान्स सहित चार लाख ८० हजार छ । ४० देखी ४२ प्रतिलिटर माइलेज दिने मोटरसाइकल जापनिज मोडलको मोटरसाइकल हो । पहाडी क्षेत्रमा तथा लामो रुटमा हिन्नका लागी आरामदायी हुने आरोग्य मोटर्सका सञ्चालक ढुङ्गानाले बताए ।
