धनगढी – कञ्चनपुरमा अटो दुर्घटना हुँदा एक जनाको मृत्यु भएको छ। जिल्लाको पुनर्वास नगरपालिका–५ सिमरीमा अटो दुर्घटना हुँदा २८ वर्षीय सरोज रिमालको उपचारका क्रममा मृत्यु भएको हो।
शनिबार बिहान धनगढीबाट पुनर्वासको आईबीआरडी तर्फ जाँदै गरेको म.१ ह. ८२४ नम्बरको अटो दुर्घटना भएको थियो। दुर्घटनामा हेटौंडा घर भएका रिमालको उपचारका क्रममा माया मेट्रो अस्पतालमा मृत्यु भएको प्रहरीले जानकारी दिएको छ ।
दुर्घटनामा परेर दुई जना घाइते भएको प्रहरीले जनाएको छ। अटोमा सवार महोत्तरी बर्दिबास–४ घर भएका २२ वर्षीय सुशील बुढाथोकी र रामेछाप घर भएकी १८ वर्षीय सबिना घिमिरे घाईते भएका छन् । उनीहरुको घाइते माया मेट्रो अस्पतालमा उपचार भइरहेको छ।
