काठमाडौं- नवनिर्वाचित उपराष्ट्रपति रामसहायप्रसाद यादवले जनता समाजवादी पार्टी (जसपा) बाट दिनुभएको राजीनामा स्वीकृत भएको छ । जसपाका कार्यकारिणी समिति सदस्य रहनुभएका यादवले यही चैत ३ गतेदेखि लागू हुनेगरी पार्टीको साधारण सदस्यसमेत नरहने गरी पदबाट राजीनामा दिएका हुन् ।
जसपाका अध्यक्ष उपेन्द्र यादवले आज उनको राजीनामा स्वीकृत गरेको सो पार्टीका प्रवक्ता मनीष सुमनले जानकारी दिए । चैत ३ गते उपराष्ट्रपतिमा निर्वाचित हुनुभएका यादवले आज उपराष्ट्रपतिको पद तथा गोपनीयताको शपथ लिएका छन् ।
