डडेल्धुरा- डडेल्धुरा बहुमुखी क्याम्पसको स्ववियु निर्वाचनमा प्यानलसहित जित हासिल गरेको नेविसघंले जिल्लाकै भित्रीमधेश क्षेत्रमा रहेको अर्को त्रिवेणी बहुमुखी क्याम्पसमा पनि नेविसघंको प्यानल नै विजयी भएको छ ।
सुदूरपश्चिम विश्वविद्यालयअन्तर्गतको डडेल्धुराको त्रिवेणी बहुमुखी क्याम्पसमा बुधबार भएको स्वतन्त्र विद्यार्थी युनियनको निर्वाचनमा नेपाल विद्यार्थी संघ ९नेविसंघ०को प्यानल विजयी भएको हो ।
त्रिवेणी बहुमुखी क्याम्पसको स्ववियु सभापतिमा नेविसंघका गौरा बोहरा प्यानलसहित निर्वाचित भएकी छन् । उनले कूल खसेको ३ सय ७९ मतमध्ये १ सय ८१ मत पाएर विजयी हाँसिल गरेकी हुन । डडेल्धुरा बहुमुखी क्याम्पसमा गत ५ गते भएको निर्वाचनमा दुर्गा भट्टको प्यानल विजयी भएको थियो ।
त्रिवेणीमा अनेरास्ववियुबाट सभापतिका उम्मेदवार दानबहादुर बोहराले १ सय २४ मत मात्र पाए भने अखिल क्रान्तिकारीका भोज लुहारले ६८ मत मात्रै पाएको त्रिवेणी बहुमुखी क्याम्पस स्वावियु निर्वाचन समितिले जनाएको छ ।
यस्तै सचिवतर्फ नेविसंघका पवन ऐर १ सय ६९ मत पाउँदै विजयी भएका छन् । उनका प्रतिस्पर्धी अनेरास्ववियुका बसन्ती कार्कीले ९५ र अखिल क्रान्तिकारीका करनसिंह भाटले १ सय ४ मत पाएको त्रिवेणी क्याम्पसले जनाएको छ ।
कोषाध्यक्षमा नेविसंघकी दिपशिखा धामी १ सय ६६ मत पाउँदै विजयी भएका छिन् । अनेरास्ववियुकी लक्ष्मी बिष्टले ६३ र अखिल क्रान्तीकारीकी यशोदा धामीले १ सय ३२ मत पाइन् ।
यस्तै समानुपातिकतर्फ नेविसंघले १ सय ९३,अनेरास्ववियुले एक सय र अखिल क्रान्तिकारीले ७६ मत पाए । स्ववियु निर्वाचन भएका डडेल्धुराका दुई क्याम्पसमा नेविसघंले एकलौटी रुपमा जित हाँसिल गरेको नेविसघंका जिल्ला अध्यक्ष पवन ऐरले बताए ।
