काठमाडौं- बिहीबार नै मन्त्रिमण्डल विस्तार गर्ने तयारी अन्ततः रोकिएको छ । गठबन्धनमा रहेका नेपाली कांग्रेसहित बाँकी दलहरु प्रधानमन्त्री पुष्पकमल दाहाल नेतृत्वको सरकारमा जाने तयारी अन्तिममा आएर कांग्रेसकै उपसभापति पूणैबहादुर अड्डीका कारण रोकिएको बुझिएको छ।
महत्त्वपूर्ण मन्त्रालयको आकांक्षामा मन्त्रिपरिषद्मा जान लागेका खड्काले रक्षा मन्त्रालयमा नजाने अड्डी लिएपछि बिहीबारको शपथग्रहण रोकिएको हो। खड्काले आफूले चाहेबमोजिमको मन्त्रालय पाएमात्र सरकारमा जाने नत्र नजाने भन्दै अड्डी कसिरहेको बुझिएको छ।
खड्का निकटहरुका अनुसार उनले अर्थ मन्त्रालयमा निशाना ताकेका छन्। मन्त्रालयको अन्तिम भागबण्डाका लागि गठबन्धनमा रहेका १० दलहरु फेरि छलफलमा जुटिरहेका छन् ।
