कञ्चनपुर- राष्ट्रिय स्वतन्त्र पार्टी (रास्वपा) सभापति रवि लामिछानेविरुद्ध फेरी अख्तियारमा उजुरी परेको छ ।
वैशाख १ गते अर्थात शुक्रबार रविविरुद्ध कञ्चनपुरका पत्रकार खेम भण्डारीले अनलाइनमार्फत अख्तियारमा उजुरी हालेका हुन् ।
आगामी वैशाख १० गते हुने उपनिर्वाचनमा चितवन– २ का उम्मेदवारसमेत रहेका रास्वपा सभापति लामिछानेविरुद्धको उजुरीमा गृहमन्त्री हुँदा राष्ट्रिय परिचयपत्र रुजुसम्बन्धी गैरकानुनी कार्यविधी बनाएको आरोप छ ।
त्यस्तै उक्त कार्यविधि बनाएर भ्रष्टाचार गर्ने नियतले ठेक्का आह्वान गरिएकोले सो विषयउपर उजुरी दिइएको उल्लेख छ । उक्त उजुरी दर्तासमेत भइसकेको बताइएको छ ।
