धनगढी – धनगढीको एसपीए कलेजका एक प्राध्यापक यौन दुर्व्यवहारको आरोपमा पक्राउ परेका छन् । एसपीए क्याम्पसमा प्ल्सटु अन्तरगत कार्यविधि कानुन पढाउने प्राध्यापक चेतराज भट्टलाई सोमवार पक्राउ गरिएको हो ।

भट्टले क्याम्पसमा अध्ययनरत आधा दर्जन छात्रालाई रातदिन टर्चर दिने गरेको र अनालाइनमार्फत यौन दुर्व्यवहार गर्ने गरेको आरोप लागेको छ। छात्राहरुलाई भिडिओ र म्यासेजमार्फत अश्लिल कुराहरु गर्ने गरेको भट्टमाथि आरोप छ।

सोही विषयलाई लिएर पीडित छात्राहरुका आफन्त, साथी र विद्यार्थीहरुले विरोध जनाएपछि भट्ट पक्राउ परेका हुन्। वडा प्रहरी कार्यालय धनगढीको टोलीले उनलाई समातेर जिल्ला प्रहरी कार्यालयमा लगेको जनाएको छ। पीडित किशोरीले आफूलाई भट्टले दुर्व्यवहार गर्ने गरेको कुरा फाइनान्स विषयको कोर्डिनेटर म्यामलाई जानकारी गराएपछि घट्ना सार्बजनिक भएको हो ।

आफूलाई पटकपटक दुर्व्यवहार भएपछि घटना सार्वननिक गर्न बाध्य भएको उनको दाबी छ । जिल्ला प्रहरी कार्यालय कैलालीका डिएसपी कुलदिप चन्ले उक्त विषयमा दुबै पक्षबिच छलफल गराइरहेको बताए।