काठमाडौं- नेपाली कांग्रेसका प्रमुख सचेतक रमेश लेखकले एमाले सांसद लक्ष्मी महतो कोइरीलाई बिरामी भनेर सभामुख देवराज घिमिरेले जगहसाइ गरेको टिप्पणी गरेका छन् ।
‘लक्ष्मी महतो कोईरी बैठकमा उपस्थित हुनुभएको छैन । किन उपस्थित हुनुहुन्न भनेर दशौँपटक प्रश्न उठेका छन् । उहाँ फौजदारीमा मुद्धामा अदालतले पुर्पक्षमा थुनामा राख्न भनेको छ,’ लेखकले भने, ‘प्रहरीले खोजी गरिरहेको छ भेटिएको छैन ।
यस्तो स्थापित तथ्यमा सदनबाट सभामुखबाट बिरामी हुनुहुनछ भनेर प्रस्ताव पेस गर्नु योभन्दा जगहँसाइ के होला ? कसरी यस्तो प्रस्ताव आयो ?’
