धनगढी- नेपाली युवा उद्यमी मञ्च NYEF कैलाली च्याप्टरको अध्यक्षमा युवा व्यवसायी कुवेर शाही निर्वाचित भएका छन् । नेपाली युवा उद्यमी मञ्च एनवाइइएफको छैठौं वार्षिक साधारणसभाबाट शाहीको नेतृत्वमा सर्वसम्मत नयाँ कार्यसमिति चयन भएको हो ।
नेपाली युवा उद्यमी मञ्च एनवाइइएफको कैलाली च्याप्टरको प्रथम उपाध्यक्षमा इआर तर्कराज भट्ट र द्धितीय उपाध्यक्षमा अच्युत दाहाल निर्वाचित भएका हुन्।
यस्तै कार्यकारी सदस्यमा शिवराजा ओझा, आयुस हमाल, आयुस मोहपाल, आदित्य हमाल भएका छन्। यस्तै मञ्चको कार्यकारी सदस्यमा आशिष शाह, राहुल गुप्ता र बिनय चोखाल रहेका छन्।
मञ्चको नवनिर्वाचित अध्यक्ष शाहीले निर्वाचित गराउने सम्पूर्णप्रति आभार व्यक्त गरेका छन्। म च्याप्टर अध्यक्षमा पुग्नको लागि मलाई विभिन्न तरिकाबाट सहयोग गर्नुहुने सबैलाई हृदयदेखि नै धन्यवाद । सबै निर्वाचित निर्वाचन आयोगका सदस्यहरूलाई बधाई तथा नवनियुक्त सबै साथीहरूलाई स्वागत गर्दछु।
अध्यक्ष शाहीले भने, म यो अद्भुत NYEF परिवारको हिस्सा हुन पाउँदा सम्मानित छु। आशा छस यस वर्ष, केही ठूला प्रयासहरू मार्फत, हामी नाइफलाई पश्चिमी प्रान्तमा बलियो रूपमा स्थापित गर्न कडा प्रयास गर्नेछौं। जसका लागि सबैको सक्रिय सहभागिता र सहयोगको अपेक्षा गर्दछु।
मञ्चको निवर्तमान अध्यक्षमा अभियान इलेक्टमा ई विशेष थापा,प्रेसिडेन्ट नोमिनीमा समेज राजभण्डारी, प्रोग्राम चेयरमा ई सरोज कायस्थ, फाइनान्स चेयरमा सिए विवेक श्रेष्ठ निर्वाचित भएका छन्।
कार्यसमिति सदस्यमा निकेश द्वा, हर्षल विजुक्छे, दीशान्त शेरचन, सागर भट्टराई, सुरज श्रेष्ठ र नुरज बाटाजू छन्। उक्त नयाँ कार्यसमितीको अवधी एक बर्षको रहने बताइएको छ। युवा उद्यमशीलताका क्षेत्रमा मञ्चले काम गर्दै आइरहेको छ।
