धनगढी- नेपाल पत्रकार महासंघ कैलाली शाखाले श्रमजीवी पत्रकारको तलब समयमै दिन कैलालीमा सञ्चालित आम सञ्चार माध्यमहरू लाई अपिल गरेको छ । शाखाले  निरन्तर काम गर्दै आइरहनु भएका सञ्चार कर्मीलाई सम्बन्धित सञ्चार गृहले उहाँहरूले पाउनुपर्ने तलब रकम समयमा नपाएको गुनासो आउन थालेपछि सोमबार एक वक्तव्य जारी गर्दै अपिल गरेको हो ।

यस्तै, शाखाले अपिलमार्फत निरन्तर काम गर्दै आउनु भएका सञ्चार कर्मीहरूले आफूले पाउनु सेवा कहिले देखि नपाएकोबारे महासंघमा जानकारी गराउन पनि आग्रह गरेको छ भने श्रमजीवी पत्रकारले पाउने तलब भुक्तानी नगरे महासंघ निरन्तर श्रमजीवी पत्रकारका पक्षमा कदम चाल्ने पनि जानकारी गराएको छ ।