दार्चुला- ब्यास गाउँपालिका–४ डोकटस्थित महाकाली किनारमा बेवारिसे अवस्थामा शव फेला परेको छ । मंगलबार बिहान नेपाल-भारत सीमा नदी किनारमा अन्दाजी १५ वर्षकी बालिकाको शव फेला परेको प्रहरीले जनाएको छ ।
जिल्ला प्रहरी कार्यालयका अनुसार नदी किनारमा बालिकाको शव सढेको अवस्थामा फेला परेको छ । शव भारतीय नागरिकले देखेपछि नेपाल प्रहरीलाई खबर गरेको जिप्रका दार्चुलाका सूचना अधिकारी ज्ञानेन्द्रबहादुर सिंहले बताए ।
उनले घटनाबारे थप अनुसन्धान गर्न सुन्सेरा प्रहरी चौकी तथा इलाका प्रहरी कार्यालय हुतीबाट प्रहरी सहायक निरीक्षक लोकेन्द्रसिंह कार्कीको टोली घटनास्थलमा पुगेको जनाएको छ । शव कुहिएकोले पहिचानमा समस्या भएको प्रहरीको भनाइ छ ।
