धनगढी- धनगढीमा वृक्षारोपणको तार जाली नै तोडेर अटो रिक्सा चालक भागेपछि उनको खोजी भैरहेको छ। कैलालीको मोहन पुल–अत्तरिया ६ लेन सडक अन्तर्गत धनगढी उपमहानगरपालिका स्थित बोराडाँडी नजिक वृक्षारोपण गरेको तार जाली नै तोडेर अटो रिक्सा चालक भागेका छन्।
सडकको मध्य भागमा लगाइएको तार जाली तोडेर सुदूरपश्चिम प्रदेश ०१–००१ ह ४३७३ नम्बरको अटो रिक्सा चालक भागेको उपमहानगरपालिकाले जनाएको छ। नगर प्रमुख गोपाल हमालले बोराडाँडी नजिक सडकको बिच भागमा लगाएको तार जाली तोडेर अटो रिक्सा चालक भागेकाले चिन्नु हुने र भेटाउनु हुने व्यक्तिले ०९१९५९०६९० मा जानकारी गराई सहयोग गरिदिन हुन हार्दिक अनुरोध गरेका छन्।
केही दिन अघि धनगढी उपमहानगरपालिका भन्सार नजिक छ लेन सडकको छेउमा विद्युत् कार्यालय नजिक र मिलन चोक नजिक रोपिएको बिरुवा भाँचेर भागेका ब्यक्ती लाई थाहा पाउने र चिन्नु हुनेले उपमहानगरपालिकालाई सम्पर्क गर्न अनुरोध गरेका छन्।
यस्तै धनगढी वडा नम्बर ७ क्याम्पस रोडदेखि मनहरा सम्म हुलाकी सडकमा भएको वृक्षारोपणमा मोती चोक नजिक बिरुवाको संरक्षण गर्न लगाएका ४ वटा ट्रीगाडहरू ढलाएर क्षति पुराएकाले उक्त व्यक्ति को-हो भन्नेबारे उपमहानगरपालिकालाई जानकारी गराउन नगर प्रमुख हमालले भनेका छन् । साथै उनले आ९आफ्नो अगाडी रहेको बिरुवाको संरक्षण एवं हेरचाह गरी दिन हुन सम्पूर्ण नगरवासीमा अनुरोध गरेका छन्।
