धनगढी- कैलालीको धनगढीमा नागरिक अधिकार शिक्षा विषयक दुई दिने सुदूरपश्चिम प्रदेशस्तरीय कार्यशाला सम्पन्न भएको छ ।
शान्तिका लागि साझा अभियान (cocap) डिग्निटी इनिसियटिभको आयोजनामा असोज ३ र ४ गते सुदूरपश्चिम प्रदेशस्तरीय कार्यशाला कार्यक्रम सम्पन्न भएको हो ।
असोज ३ गते नागरिक अधिकार शिक्षा विषयक प्रदेशस्तरीय कार्यशाला कार्यक्रममा सुदूरपश्चिम प्रदेशका प्रदेशसभा सदस्यहरुको सहभागीता थियो । उनीहरुलाई प्रोफेसर भाष्कर गौतामले प्रदेशमा नागरिकका अधिकारका विषयमा ऐन नियम र कानुन बनाउन जोडदार रुपले प्रस्तुत हुनुपर्ने प्रशिक्षण दिएका थिए ।
कार्यक्रममा सहभागी नेपाल कम्युनिष्ट पार्टी (एमाले) का प्रदेशसभा सदस्य तथा संसदीय दलका उपनेता सन्तोष शर्मा थापाले प्रदेशमा पछाडि परेका दलित, जनजाती, अपांगता भएका लगायतका विषयमा जिम्मेवार भएर मुद्धा उठान गर्न आफूहरु तयार रहेको बताइन् ।
कार्यक्रममा सहभागी अधिकांश प्रदेशसभा सदस्यहरुले नागरिकका अधिकारका विषयमा सदनमा बोल्ने प्रतिवद्धता व्यक्त गरे । यसै गरि नागरिक अधिकार शिक्षा विषयमा असोज ४ गते प्रदेशसभा सचिवालयका कर्मचारीहरुलाई नागरिक अधिकार शिक्षा विषयमा कार्यक्रम आयोजना गरिएको थियो । सो कार्यक्रममो सहजकिरण समता मिडियाका अध्यक्ष मिलन परियारले गरेका थिए ।
