धनगढी- काँग्रेस कैलालीले ‘संविधान कार्यान्वयनमा जनप्रतिनिधिको भुमिका’ विषयमा छलफलको आयोजना गर्ने भएको छ। काँग्रेस कैलालीले धनगढीमा बुधबार अर्थात १० गते प्रदेशस्तरीय अन्तरक्रिया कार्यक्रम गर्ने भएको हो । कार्यक्रममा प्रमुख अतिथि नेपाली काँग्रेसका नेता एवं पूर्व महामन्त्री कृष्णप्रसाद सिटौला रहने छन् ।
कार्यक्रममा अनिवार्य सहभागिताका लागि काँग्रेसबाट निर्वाचित संघ, प्रदेश सभा, पालिका र वडा प्रतिनिधि, महाधिवेशन प्रतिनिधि, महासमिति सदस्य, जिल्ला कार्यसमिति पदाधिकारी तथा सदस्य, प्रतिनिधि सभा क्षेत्रीय कार्यसमिति लगायत पदाधिकारी र सदस्यलाई सहभागिता रहने छन् ।
