कैलाली- प्रधानमन्त्री पुष्पकमल दाहाल ‘प्रचण्ड’ले सत्तागठबन्धन पूरै कार्यकाल यथावत रहने बताएका छन् । आज कैलालीको धनगढी बिमानस्थलमा प्रेस सेन्टर नेपालले आयोजना गरेको पत्रकार सम्मेलनमा उनले सो कुरा बताएका हुन् ।
सत्ता गठबन्धनमा बाहिर हल्ला भएको जस्तो नभई यथार्थमा एक जुट रहेको र गठबन्धन पूरै कार्यकाल यथावत रहने उनको भनाई छ ।
उनले ‘अहिले हामी सत्ता साझेदार मात्र हौँ हाम्रो विचार मिल्यो भने बाम एकता पनि हुन सक्छ ।’
नेकपा माओवादी केन्द्रका अध्यक्षसमेत रहेका दहालले नेपाललमा ४ वटा महत्वपूर्ण काम हुन लागेको बताए । यही अर्को हप्ता कतारका राजा नेपालको भ्रमण गर्न लोगेको र उनको नेपालमा पहिलो भ्रमण रहने उनले बताए । दोस्रोमा लगानी सम्मेलन जस्को तयारी पुरा भईसकेको र सो मा ४० भन्दा बढी देश सहभागी हुने उनको भनाई छ । सम्मेलनबाट लगानी मैत्री वातावरण सिर्जनाका लागि एक दर्जन ऐन संशोधन गरी अध्यादेश ल्याउन लागेको उनले बताए । तेस्रोमा भन्नुपर्दा जलवायु परिवर्तन सम्बन्धी चासो र चिन्ता विश्वव्यापी परिरहेको बताउँदै प्रधानमन्त्री प्रचण्डले भने ‘यस्को समस्या समाधानका बिषयमा सबै विश्वमा रहेका पहाडी मुलका राष्ट्र एकजुट भएर मेरै अध्यक्षतामा जलवायु परिवर्तन सम्बन्धी नेपालमा सम्मेलन गरिन लागेको छ ।’
चौथो भनेको नीति तथा कार्यक्रममा जनमैत्री र पुरानो ढर्राको भन्दा केही नयाँ सहित ल्याउनका लागि गृहकार्य भइरहेको उनको भनाई ।
पत्रकारहरुले सोधेको प्रश्नको जवाफमा उनले प्रदेश सरकार निर्माण गरिने काम सम्पन्न भएको र कोशी प्रदेशको सरकारले पनि छिट्टै पूर्णता पाउने उनको तर्क छ । प्रधानमन्त्री दाहाल कञ्चनपुरमा सुदूरपश्चिमाञ्चल विश्वविद्यालयको दीक्षान्त समारोहमा सहभागी हुन यहाँ आइपुगेका हुन् ।
