धनगढी- कैलालीमा ब्रोइलर कुखुरासहित अवैध सामान फेला परेको छ । जिल्लाका विभिन्न स्थानमा एक लाख ९५ हजार पाँच रुपैयाँ बराबरको अवैध सामान फेला परेको हो।
प्रहरीका अनुसार बिहीबार धनगढी उपमहानगरपालिका–२ बालुवा घाट धनगढी उपमहानगरपालिका–३ ट्राफिक चौराहा भजनी नगरपालिका–५ हलौनाघाट, जोशीपुर गाउँपालिका–३ मानिकापुर र कैलारी गाउँपालिका–४ भितरिया घाटमा अवैध रूपमा भारतबाट भन्सार छली ल्याएका अन्दाजी उक्त मूल्यका सामान फेला परेका हुन् ।
ब्रोइललर कुखुरा प्याज चिनी मिश्री गुड प्लाष्टिक झिल्ली खुर्सानी नरिवल सर्फ लगायतका सामान जिल्ला प्रहरी कार्यालय कैलाली तथा मातहत प्रहरी कार्यालयहरूबाट खटिएको गस्ती टोलीले फेला पारी नियन्त्रणमा लिएको प्रदेश प्रहरीले जनाएको छ ।
