कैलाली र कंञ्चनपुरका बिभिन्न स्थानबाट भन्सार छलीका सामान प्रहरीले बरामद गरेको छ ।
कैलालीको धनगढी ४ संचयकोष कार्यालय नजिक, धनगढी ७ मनेहरा चोक, ९ त्रिबेणीघाट, १२ घले चोक, गोदावरी  ५ गेटा मेडिकल कलेज नजिक, भन्सारटीकापुर ६ बेलुवा स्थित भित्रि सडक खण्ड र जोशीपुर ३ लक्कडबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु।२,६७,१७०।– बराबरको प्याज, चिनी, सुर्ती, बिडी, पापड, कुर्ती, धोती, बोईलर कुखुरा, मोटरसाईकल थान(१ लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको जनाएको छ ।

त्यस्तै कञ्चनपुरको भिमदत्त १७ बासखेडा चोक, दोधारा चाँदनी न।पा। ९ कालिका बजार नजिक र बेलडाँडी ३ राधाकृष्ण मन्दिर नजिकबाट अबैंध रुपमा भारतबाट भन्सार छलि गरि ल्याएका अन्दाजी मूल्य रु।६,५६,१९०।– बराबरको चिनी, पेय पदार्थ, बिडी, बिस्कुट, नमकिन, खाने तेल, जिरा, सुर्ती, फिल्टर, ब्रेकतार, लुकिङग्लास, पकेट, ग्यारेज लगायतका सामानहरु जिल्ला प्रहरी कार्यालय कञ्चनपुर मातहत कार्यालयबाट खटिएको प्रहरी गस्ती टोलीले फेला पारी नियन्त्रणमा लिएको प्रहरी कार्यालय कंञ्चनपुरले जनाएको छ ।