धनगढी- नेपाल कम्युनिष्ट पार्टी(एकीकृत समाजवादी) का केन्द्रीय सदस्य एवं कैलाली इन्चार्ज दीर्घबहादुर सोडारीले पार्टीलाई मजबुद बनाउन सबै नेता तथा कार्यकर्ता एकजुट भएर लाग्नु पर्ने बताएका छन् ।
नेपाल कम्युनिष्ट पार्टी(एकीकृत समाजवादी) कैलालीको १२ औं जिल्ला अधिवेशनलाई आज सम्बोधन गर्दै उनले आसन्न पार्टीको १० महाधिवेशन प्रतिनिधि छनौंटका लागि सर्वसम्मत नेतृत्व छनौट गर्न आग्रह गरे ।
उनले महाधिवेशन प्रतिनिधि छनौंटका लागि सीमित सीट हुने भएकोले सर्वसम्मत प्रतिनिधि छनौट गर्न नेता तथा कार्यकर्तालाई आग्रह गरे ।
सुदूरपश्चिम प्रदेशका मुख्यमन्त्री समेत रहेका सोडारीले कैलालीमा समाजवादीलाई बलियो बनाउनका लागि अब सबैको जिम्मेवारी बराबर रहेको बताए ।
उनले पार्टीको १० औं महाधिवेशन सम्पन्न गर्नका लागि कार्यकर्ताको भूमिका महत्वपूर्ण रहेको बताए । समाजवादीका जिल्ला अध्यक्ष विमल जोशीको अध्यक्षतामा भएको कार्यक्रमको संचालन सचिव दीर्घ जोशीले गरेका थिए । कैलालीमा समाजवादीका चार हजार तीन बढी क्रियाशील सदस्य रहेका छन् ।
